Stutt og skýr svör við algengum spurningum sem berast frá fólki sem er að stíga sín fyrstu skref í heimabruggun.
Hér eru nokkrar spurningar sem ég heyri reglulega frá nýjum bruggurum. Þetta er augljóslega ekki tæmandi listi og svörin höfð í styttra lagi. Ég mun uppfæra þennan lista ef mér dettur eitthvað nýtt í hug sem er oft spurt út í.
Botnfallið í flöskunum er að mestu leyti ger. Þegar maður setur sykurinn í flöskurnar til að fá kolsýru í bjórinn, þá byrjar gerið á því að fjölga sér, étur svo sykurinn og býr til kolsýru og (örlítið) áfengi. Ef maður vill sleppa 100% við botnfall þá þarf maður að hafa leið til að kolsýra bjórinn áður en hann fer í flöskurnar, til dæmis í bjórkút og setja kolsýru af þrýstikút á bjórinn. Og nei, ég mæli ekki með því að setja bjórinn í sodastream tæki 🙂
Í fyrstu skiptin er gott að gera ráð fyrir 5–6 klukkustundum í að gera bjórinn, með þrifum og undirbúningi. Þegar menn eru komnir upp á lagið með að gera bjór þá getur það tekið allt niður í 3 tíma. Svo tekur gerjunin 10–20 daga og átöppun á 20 lítrum af bjór á flöskur getur tekið um 2 tíma.
Það geta allir búið til bjór. Svo einfalt er það. Sumir fara “all in” og pæla í uppskriftum, lesa sér til um hitt og þetta á meðan aðrir ná sér í grunnþekkingu og brugga svo alltaf sömu eða svipaða uppskrift. Maður þarf ekki að vera heltekinn af bjór og bjórgerð til að gera góðan bjór.
Ég mæli alltaf með Bee Cave sem fyrstu lögn. Ljós, léttur og þægilegur bjór sem er samt nóg bragð af til að skýla yfir byrjendamistök sem geta komið upp í fyrstu lögn.
Bjór skemmist í raun aldrei ef hreinlætið við framleiðslu hans var í lagi. En flestir bjórar byrja að dala í bragðgæðum eftir um 6 mánuði á flöskum.
Það eru til græjur til að sía bjór en þær eru mjög ópraktískar fyrir heimabruggara og geta valdið ýmsum vandamálum. Ég veit ekki um einn heimabruggara sem síar bjórinn sinn.
Það er hægt að gera alla bjóra heimafyrir. Kosturinn við bjórgerð er að maður hefur aðgang að nákvæmlega sömu hráefnum og brugghúsin. Eina vandamálið er að finna uppskriftina, og það getur tekið nokkrar tilraunir að negla uppskrift ef maður er að gera bjór eftir fyrirmynd.
Sky is the limit. Menn eru sjaldan að fara mikið yfir 10%, en það er þó ekkert sem mælir gegn því. Ger þolir allt að 18%, en það þarf þó oft töluverða hjálp til að komast svo hátt í áfengismagni. Meiri sykur = meira áfengi. Megnið af sykri kemur úr korninu, en oft er notað eitthvað smávegis af hvítum sykri þegar stærri bjórar eru bruggaðir.
Það er ekki erfitt, en það krefst auka tækjakosts. Maður þarf aðstöðu til að gera bjórinn við 8–12 °C (eftir gerli), og geta svo lagerað bjórinn í gerjunarílátinu við um 1 °C.
Það er glútein í byggi, og því getur verið erfitt að gera alveg glúteinlausan bjór. Gerið getur dregið í sig mikið af glúteininu, þannig að ef þú ert bara með “smá” ofnæmi þá getur vel verið að þú getir drukkið heimabrugg. Ég mæli þó ekki með því; það er mjög misjafnt hvernig þetta fer í fólk. Það eru til efni (clarity ferm, dehaze) sem hægt er að bæta við í byrjun gerjunar til að gera glúteinfrían bjór.
